Titik at tula
Ang aking pananda
Kung baga sa gyera
Aking bala at panangga
Kapag inabot ng inspirasyon
Kahit saan pa naroon
Mga titik ay kusa
Ang isip lumilikha
Paglalaro ng mga salita
Nakakaaya, nakakapahinga
Isa, dalawa
O tatlo kaya?
Gusto sumambulat
Kaya sa panulat
Ipinagkakasya lahat
Mula simula
Laman ng isipan
Nasasaloob at diwa
Tuwa at saya
Lungkot o pag asa kaya
Kwento, patotoo
Palipas oras , tudyo ko
Minsan din ibang tono
Katulad ng pagsuyo
Umaga o gabi
Kapag di mapakali
Mga salita lalangin
Huhugutin ang kwaderno sa tabi
Dapat laging handa
Gumawa sa titik ng tula
Sapagkat ito rin ay nakakahasa
Ng isipang mapanlinkha 
Advertisement
Discussion
No comments yet.